Kenneth Wehrimik ateqarpunga. Meeraagamali kinguaariilerineq soqutigaara aamma 14-inik ukioqarama siuaasakka misissortalerpakka. Siuaasat hunnorujullit kinaassusersereerpakka, ilaat 1600-kkuninngaanneersut siusinnerusuninngaanneersulluunniit.
Tysklandip avannaani inunngorpunga alliartorlunilu, siuaasama ilarsuata aamma Tysklandip affaa avannarleq najugaqarfigisimavaa, allalli ullumikkut Polen, Litauen, Frankrig Schweiziluunniit najugaqarfigisimavaat.
2016-imi ilinniarnertuunngorniarnera naammassereerakku aanara ilagalugu Kalaallit Nunaannut feriariartorpunga, aallarnerlu taanna Kalaallit Nunaannut asanninnermik pinngortitsivoq. Taassuma kingorna Berlinimi historisk lingvistikimi skandinavistikkimilu ilinniarpunga, taavalu Danmarkimut nuuppunga, taannalu Københavns Universitetimi bachelorimi kandidatimilu grønlandske og arktiske studierimi ilinniarlunga. Immaqa atera ilisarnarivat, tassami Kalaallit Nunaat pillugu Wikipediami allaaserisat 2000-it missaat allakkakkit.
Allaaserisanik allattarninni itsaq kalaallit amerlasuut siumorakkit paasilerpara tamarmik sugisariittut. Kinguaariinnik allattorsimaffiliortalerpunga, kalaallilu ilinniaqatigilerakkit aamma ilinniaqatinnut kinguaariinnik allattorsimaffiliortalerlunga. Ukiuni amerlasuuni taamalioreerama assut sukkasuumik misissuisinnaavunga. Massakkut ilinnut iluaqutaalissaaq! Illit kinguaariinnik allattorsimaffiliulaarlanga!